زوجي والخيانه

--------------------------------------------------------------------------------


السلام عليكم
ان شاء الله تساعدوني في مشكلتي مع زوجي
اتزوجت قبل سنتين ..ايام الملكه كنت مرره خجوله ما ارضى اشوفه ولمن يجي انا في كنبه وهوفي كنبه آخر الغرفه المهم كان يكلمني احلى كلام وخلاني اتعلق فيه
المهم حسيته ميت فيني وحبيته لأبعد الحدود واتعلقت فيه وما تمر ساعه وحده الا يتصل 3 مرات على الاقل وفي اخر الليل يبي يجي على الباب بس يشوفني ويقعد يتأملني ولمن شفت اهتمامه هاذا كله حسيت اني حبيبته اللي لا قبلها ولا بعدها
والحمد لله اتزوجنا بسكانت ايام العسل مرره ممله معاه لانه كان بس متضايق وساكت
يمكن عشاني كنت اتالم مرره اوقات الجماع بس ضغطت على نفسي واتحملته الا ان صار الامر طبيعي
حسيته اتعدل بس شوي من هالناحيه لاكن في كلامه وقعدته معايا وتماشيه ولا شي
حاولت ارضيه بكل الطرق يرضى عني شهر ويزعل من اتفه سبب اسابيع
وبعد فتره صار كويس ويضحك ويكلمني عدل ويسأل عني ومررت 7 شهور على زواجنا
وفي يوم لقيت ايميله مفتوح ولقيت فيه اسماء بنات
انقهرت وزعلت بس ما صارحته اني شفت ايميله وقعدت شهرين كمان
وفي يوم كنت عند امي واتصل به عشان يجي ياخذني
من الساعه 10 الين الساعه 4 الفجر وهو يقولي اكلم صديقي اللي في كندا على المسن
وانا ماصدقته ولمن رحت البيت قلي اسبقيني وانا بروح اصلي الفجر فطلعت البيت ورحت فتحت اللاب توب و
ولقيت محادثه محفوظه مع وحده وفي المحادثه انه اول مرره يكلمها ورسلها صووره وقلها كلام حلو ما قلي منه ولا شي وانا متزوجته
والقهررررررررر الاكبراعطاها رقمه ورقم البيت
انا اتجننت ولمن رجع قعدت ساكته مني قادره اطل في وجهه بس وقعد يكلمني ويمزح معايا بس انا مني متحملة حسيت بخيانته لي
ورحت انام وجا عالسرير يمسك يدي فشديتها باقوى ماعندي وانا مديته ظهري فتفاجأمن الحركه وقلي اشفيك قلتله تعبانه ابي انام استغرب على حركتي لاني عمري ما رديته في اي طلبكل ما يبغى مني شي عطيته بكل حب وزياده
وصحيت بدري اصلا مانمت وصليت وصلاة استخاره اني اروح بيت امي واسويها مشكله لاني عمري ما زعلته ودايما اراضيه ورحت شفت جواله لقيت الرقم الاخير بدون اسم فحفظته في جوالي
وكنا معزومين عند امي غدا ورحنا وانا في السياره سالته هل انا مقصره معاك بشي من فراش او بيت اواي شي قال والله لا كله مكفيه وموفيه بس ليش تسالي ما رديت طلعت بيت اهلي وهو طلع وراي يسالني ايش فيني قلتله لا تستناني ارجع معاك ودخلت بيت امي وهو راح مجلس الرجال
اتغدى وبسرعه اساتاذن ونزل يتصل يقوليانزل فرفضت وقلتله انسى فسالني عن السبب قلتله روح شوف المحادثه وخليها تنفعك اتجنن وقفلت وطلبت الرقم اللي اخذته من جواله فلقيت صوت بنت استغفر الله يفجع
وقام يحلفلي ان هاذا صاحبه اللي كان عنده ماصدقته وقلتله صاحبك راح يعطيها رقم بيتنا ليه والمكالمه الاخيره في جواله فاعترفلي انه هو وثاني يوم جا عندي وترجاني بس انزل السياره اكلمهفوافقت بعد الحاح ورجه نزلت وقعدت في السياره بعيد فقعد يصيح زي الحريم ويترجاني اسامحه مرره اتاثرت ورحت للبيت اتفاهم معاه لانه منظرنا في الشارع غلط
قعد يترجاني ويحضني ويقولي والله مالي غيرك وما ادري ليش سويت كذا انا عاد ما اقدر على هاذي الحركات على طول سامحته خاصه انه ذل نفسه ذل
وبعدها دلعني احلى دلع وعاملني كاني عروسه من جد وفي بيت اهله انواع الدلع وسبحان الله في هاذي الفتره تم الحمل
وفرح وانواع الدلع قلت يمكن هاذاك كله عشانه متضايق من مسألة الحمل خصوصا من كثرة اسئلة الناس لنا
وحسيت باستقرار معاه الين قريب صار يدخل قبلي يبغى ينام واكون برا اسمعه يهمس على الجوال ويقفل
فشكيت في الموضوع وافتش جواله القى رسايل من رقم باسلوب انثى سكت فتره وبعدها بايام شفت رساله تبيه يكلمها بعد ما تاخذ شاور
على طول رحت سألته وانا ابكي حلفلي انه رقم يرسل رسائل ما يدري عنهاوعملت نفسي صدقته
وبعد فتره لقيت برضو رساله منها انها ماهي قادره تنام الا لمن تسمع صوته وتاخذ بوسه
انا رحت بيت امي واتصلت فيه قلتله عن المسج حلفلي بالقرآن انها خويت صاحبه وان صاحبه يرسله رسايل من جوال زوجي عشان رصيده خلص
قلت له انتا حلفت بالقرأن رح اصدقك بس عشان كذا
ورجعت طبيعيه معاه بس حذره وفي يوم اخذت جواله ابغى اتصل باختي لقيت رقمها ومدة المكلمه 10 دقايق واخرى 8 دقايق في وقت عمله
وانا دحين نفاس في بيت اهلي مني عارفه افاتحه في الموضوع واكلمه بس خايفه لاني لوكلمته ما راح ارجع معاه لاني رح اكون بدون كرامه لو رجعت وفي نفس الوقت خايفه اخسر حبيبي وروحي لاني احبه بجنون وما اقدر اعيش بدونه
والله ارضيه بكل شكل ولون وحفلات وهدايا وعشا رومنسي واخر دلع
وهو طيب معايا من كل النواحي مو مقصر ماديا وعاطفيا بس مهمل شوي في بيته ويقولي انتي احلى شي في حياتي وعمري ما راح ازعلك
اعطوني حل الله يخليكم لاني تعبانه ونفسيتي زفت

اتمنى يعطونك الاعضاء حل لانه انا تقريبا مشكلتي زي مشكلتك
الله يعنننا

الله يعيننابس ابغى افهم ليه الرجال يسون كذا ليش الخيانه في دمهم

حبيبتي تبغي الصراحة إصبري ما دمت تحبيه مالك إلا الصبر وخصوصا صار عندك طفل يعني مسؤولية
إدعي له في صلاتك ربنا يهديه وأكثري من الإستغفار
ولو تركتيه بتعطيها فرصة إنها تاخده منك وساعتها إنت اللي بتخصرييييه خليك ذكية
الله يهدي زوجك ويريح بالك

انا اعطيك الحل في الغالب هوا يدور على حاجة انتي حرمتية منها

ويدور عنها في بنات غيرك


اهم شي انتي اعطيه (( الحب )) (( الحنان )) (( العشره الطيبة ))


وحوالي (( تكوني جملية ورشيقة )) وبكذا رح تملنين عينة

شوفي حبيبتي الكمال لله سبحانه وتعالى وكل زوج وعنده (عله )آسفه على الكلمة
تلاقي اللي بخيل واللي نسونجي واللي مبلي بالنت وأذا شفتي مشاكل غيرك هانت مشكلتك
قلت نفسك تعرفي ليش وهذا صعب أنا صديقتي ما نقصها شيء جمال وأخلاق وزوجها يكلم بنات وهي صابرة وبتربي ولادها ومهتمه ببيتها وزوجها وتقول لي مستحيل أتركه لوحده ثانيه
والله إني دعيت لك من قلبي ربنا يهدي زوجك ويسعدك

هلا اخواني
انا كمان كان لي قصة حب قبل الزواج لكن ما تمت وتزوجت وزوجتى الان حامل وهي في قمة السعادة
انا اعطيها السعادة لاني احس انها تحبني وانا اعرف جرح العواطف الامه صعبة وما تبرد بسهولة لذلك لا احاول ان احكي لها عن حبي القديم لانها ما كانت تعرفني ذا الايام
لكن اقسم بالله ان السعادة التي تعيشها زوجتي سببها حبي القديم وكل مرة اجامع زوجتي اتخيل حبيبتى فاتعامل معها بكل رقة واحساس وشجون وكذلك كل الهدايا والرحلات
لكن اعامل زوجتي على انها حبيبتى وهي في قمة السعادة لا اظن ان هناك رجل ليس له قصة حب
كما قلت الحب سلطان على القلوب
وكما قالت روز في فلم تيتنك " قلب المرأة محيط عميق من الاسرار "
فلا تظنوا ان الرجال فقط هم كذلك
لذلك لابد ان نتقبل الطرف الثاني بما فيه من ماضي او عيوب واضحة
ولا تعتقدي انك لو تطلقتى منه وتزوجتي باخر سوف تحبي الاخر مثله
سوف يكون هو في قلبك مهما حدث منه وذلك يعتبر خيانة لزوجك الثاني
لابد من تقبل الحياة كما هي لا كما نحن نريدها
وشكرا

انا ما لراح اعطيك مواعظ بس خاف ربك.. وش ذنب زوجتك .. وزجها..
كلهم مخدوعين بكم.. وتلبسون اقنعه قدامهم..
تخيل زوجتك اطلعت او بنتك وش بكون احساسك..
ياربي ارحمنا..

صباح السوسن المعتق بالريحان
اختي الغالية
انا عارفة انوة هالشي مو بسهل ابدا
هاذي خيانة في وضح النهار
اسمعيني ياعسل
انتي لازم تصلحي زوجك انتهت زمن العواطف معاه لانة العاطفة والطيبة صارت معين تساعدة على الشر الي يسكن داخلة
انتي ياقمر احين استخدمي اسلوب القسوة بس مو بالضرب ولا الشتم والسب
لا بس عندك لسانك خليه يتكم عن الي في صدرك واحساسيك
وعن معااااناتك معااه وحطي له شروط اذا ماراح يتوب عن هالعادات السيئة راح يخسرك الى الابد
وجربي الزعل بقوة ولا تردي علية اذا هو حاول يتعذر ومادري ايش انطري لة بحقارة علشان يعرف ويحس بحقارة الاشياء الي يسويها
ياحلوة ,, مستحيل الزواج يكون كدا
انتي ماخدك على انك فرااش وبس انتي لا ترضي بهالشي ابداا كوني عزيزة وعندك كرامة
ياعسل انا حاسة فيك وعارفة صعوبة هالشي بس لازم تكوني قووووية
ولا تخاافين سوي الشي الي تحسينة انتي صح
ياعسل ترا الله شاهد وموجود لا ترضي بالظلم ابدا لانة الله سبحانة هو العادل
وياعسل تقدري تستشيري اخصائية المشاكل الزوجية وراح تساعدك

وكان الله بعونك

أنا من رأيي ماتسكتين على هالوضع ..


وتكون ردة فعلك عنيفة جدا علشان يبطل لعب المراهقين هاذا اللي يسويه ..


صدقيني المسأله عنده لاتتعدى انها تكون مراهقة متأخرة يعني لايحبها ولا شي ولا يعتبرها الا حقيرة بس زي ماقلتي يقلد أصحابه زي الأطفال ..


وانتي مع هالأشكال لازم تتعملين معاهم كأنك معلمة بشدة وحزم وتوجيه وملاحظه لأن المراهقين لازم لهم توجيه وملاحظة ماينترك لهم الحبل على الغارب ...


صدقيني اذا سكتي عليه راح يتمادى وفي الأخير ماراح يتركها وراح يقلب عليك ..


لكن وقفيه عند حده في أول حياتكم الزوجية أحسن لك من انك تقعدين تعانين طول عمرك من مشكلة مايحتاج لها سوى الوضوح ووضع النقاط على الحروف ..


والله يوفقك ويسخر لك زوجك